主页 > 问题绿色 >10件你出电话连数据Plan之前应该要知道的事 >

问题绿色

06-04

10件你出电话连数据Plan之前应该要知道的事


845点赞

543浏览

10 件你出电话连数据Plan之前应该要知道的事
依家香港差唔多每人都有两部电话,但係我识一d朋友佢地仲比紧成300蚊电话,贵到丫!所谓「知识就是力量」,你知多d,咩可以比少啲啰。
1。留意计画数据的上网速度我有朋友告知啱啱出左 Smartone $68 电话连无限 3G 数据,仲要话无合约,我心谂有冇咁荀呀?咁我有日行过旺角又见到有Smartone摆街就问下啦,结果发现原来係限速架,得 384kbps 咋,即係几慢?禽日我帮朋友装个Whatspp 时用左成2分钟呀。。。简直燃烧我既生命呀!
个Sell屎话係 3G 呀,最初期 3G 速度係咁上下架,哗,咁都得?3G 现时最高速可以去到 7.2 甚至 14.4Mbps,1M = 1000kb,咁佢 Smartone 呢个 Plan 速度有几快条数好易计啫!呢啲 Plan 係比啲净係玩 Whatsapp 既人架。不过 Smartone 都算有人性,唔洗签约,等你顶唔顺可以随时走。
2。出「街Plan」可以做到一啲门市冇的荀价月费其实应该好多人都知架啦,
係各电讯商门市出 Plan,冇係街出咁掋。点解会咁?因为电讯商又要抢客,又想赚到尽。呢种情况係价格歧视啰,歧视d资讯不足人仕。仲有如果你『带冧把过台』就仲平。
10件你出电话连数据Plan之前应该要知道的事
电讯商门市出 Plan,冇係街出咁掋
3。电话储值卡都可以『带冧把过台』好多时电讯商会比优惠去抢客。若你纯想开个新冧把,但又想有优惠,你只要去买张电话储值卡就得嘞。但记住未到转会日期之前,唔好「用乾」张卡喎!否则你张卡就打柴带唔到架啦。
仲有!知唔知电话卡边度全港最平?。。。登登,係有「香港硅谷」之称既-深水埗鸭尞街,啲电话卡我估应该係电讯商平价拆比佢地,全部都差唔多做到半价甚至更平呀,举例,一张原价 $48 既 PCCW 储值卡,佢地只卖 $18-25 蚊咋。对果d耐唔耐就爆分锺既人就最啱啦!记住格下价先呀!
10件你出电话连数据Plan之前应该要知道的事深水埗鸭尞街电话卡超平10件你出电话连数据Plan之前应该要知道的事对果d耐唔耐就爆分锺既人就最啱啦!4。留意计画是否当用过左某个 Data 用量之后要限速话说我个 3台 既电话Plan 快到期满约,有日佢地打黎叫我续约,所有野不变,但冇左3影院,而数据佢就话任用。任用???我呢d细个阿妈教到大,边有咁多正妹唔着衫週街走?新闻都劲卖公平使用原则,我于是问佢:
其实呢个係德政,事关好多人都一定试过用爆 Data,用佢呢只 Plan 就唔会话用爆啦。
5。用爆 Data 可以买点数用爆 Data 张单爆贵点算?如果真係爆好多,我有朋友试过要比成千银!呢个时候,记住打去客服嘈佢呀,通常佢都会比番个折你既。
如果係喺该月未截数之前就仲简单,可以打去问客服,原来有临时 Data 数据买,我果次爆左200Mb左右,结果大概比左 $250大元找左条数,如果比正价逐Kb计就要成$1000蚊丫!至于引致我爆Data兇手,应该係重装机后,Google Play 自动更新左好多 Apps,真大意,平时我一定会关哂所有自动更新,或者 set 做只用 wi-fi 下载。
其实大家应该装番个 App监察住你 Data 用量 。
6。记住落实签单前,问Sell屎有冇其他额外着数佢地为左签成张单,好多时会有现金卷送架!
7。即使係喺门市,都可以试下问佢地有冇啲平 Plan好似我依家用紧一个3既Data Plan,係佢地冇公布出黎,係要问先会有架:$51,无限1Gb。
我点知有呢d Plan?哈哈,知识就是力量,睇多d电脑杂誌啰!
8。连机上台 Plan 点计掋唔掋好多人唔识计果d连机Plan究竟掋唔掋,其实好简单计少少数就得啦。
计法是,先计总款额,减去iPhone二手回收价,再去计每月实质月费:
10件你出电话连数据Plan之前应该要知道的事
好似以上计划1咁,其实我都够用,16Gb上台价$3,660,合约期24个月。
月费*24=$4464,再加机价$3660
2年合共成本为4464+3660=$8124,现时回收价$6200 ,净月费=8124-6200=$1924
所以净月费为 1924/24 = 每月$80.17。
同我现时月费一样,但我斋续台Plan反而仲多Data用!
以后你自己识计啦?
9。未满约都可以带冧把过台架若未满约,但又有d荀Plan想Join,可以照同Sale屎讲,佢地其实可以帮你带住去张临时卡,到你旧约满后,就可以将呢个 Plan 转番去你原有冧把啦。
10。Whatsapp 其实可以用不同佢自己既冧把既。方法是:
1)先用冧把A的 sim 卡开 Whatsapp,用来认证电话冧把。
2)之后换一张你想用的 Data 卡入去该部电话,Whatsapp 係唔需要你再认证的。
3)若你之后要重装你的 Android,你需要再输入电话冧把,便输入你在步骤1输入的冧把。
iOS 我就唔知得唔得啦。
以上10点仅为「抛砖引玉」,希望各位有好点子的话留个言,等大家可以係大财团手指罅度,攞番几蚊。。。
来源:经数乐园

相关文章